يبخت إللي مشافش الفـ،ـيديو
الصورة دي فيها طفل كان بيتزحلق في الحضانه وروباط التيشرت بتاعه شبك في ارضية الزوحليقه لك ان تتخيل انه فضل متعلق ٣ دقائق ومحدش شافه ولا حـ،ـس بيه لحد مافقـ،ـد الوعي ولو كان قعد اكتر من كده الله اعلم كان ممكن يحصل ايه الكلام ده حصل في حضانه في حدائق حلوان .. يوم الخميس 21/11
اليوم ده باباه راح يجيبه من الحضانة قالوا لاسرته في الحضانه انه تعـ،ـب وودوه المستشفي بسبب انه كان مدروخ شويه من اللعب
ولو اهله ما اخدوش بالهم من العلامات علي رقبته كان الموضوع عدي ومحدش اخد باله لحد ما وصلو لكاميرات المراقبه اللي ظهرت الكـ،ـارثه فيـ،ـديو محـ،ـزن والله
مش اي مكان تأمنوا فيه علي عيالكم
و ده بوست نزلته والدة الطفل علي حسابها الخاص على الفـ،ـيس بـ،ـوك 👇
الفيـ،ـديو اللي قدامكوا ده انا هحكيلكوا فيه كل اللي حصل بالتفـ،ـاصيل في حضانه في حدائق حلوان .. يوم الخميس 21/11 ابني اللي عنده سنتين ونص ولسه كلامه بسيط راح كيدز اريا مع الحضانة وبالنسبالي انا كنت واثقه ف الحضانه جدا وكمان الكيدز اريا دي روحناها كذا مره يعني المكان كله لعب تناسب سنه ..
الساعه 3 الا ربع باباه راح يجيبه من الحضانة الاستاذه صاحبه الحضانه الفت موضوع و قالت لباباه سليم تعـ،ـب وودوه المستشفي بسبب انه كان مدروخ شويه من اللعب وخـ،ـوفنا يكون جاتله ضـ،ـربت شمس و الحمدلله الولد طلع كويس وباباه فضل يقولها و مكلمتناش ليه تقوله محبتش اقلقكوا والموضوع عدي وانا لما عرفت كلمتها وسالتها قالت نفس الكلام وقعدت تحلفلي ان ابني محصلوش حاجه النهارده وكانت بتسال اللي حواليها بتقولها هو سليم حصله حاجه النهارده قالتلها لا الولد محصلوش اي حاجه وقفلنا المكالمه ع كده وصدقت
بس بعد ما ركزت مع ابني لقيت رقبته عليها علامه حمره بارزه من قدام شكلها واضح اوي كلمتها تاني مره سالتها ابني اتخبط او وقـ،ـع تقولي لا ونفس الكلام برضه سالتها ورقبته مالها تقولي ابنك شد رباط السويت شيرت جامد وابقي شيليه قفلت معاها وحاسه ان برضه في حاجه غلط ابص الاقي رقبته من ورا كمان نفس العلامه و السويت شيرت كان مقـ،ـطوع حسيت ان لا مش طبيعي روحنا انا وباباه ع الحضانة تاني كنا متاكدين ان في حاجه مش طبيعية باباه اللي اتكلم قالها انا عايز اعرف ابني حصله ايه النهارده !!
قالتله انا منـ،ـهاره بجد وهقولكوا اللي حصل ابنك وهو بيتزحلق رباط السويت شيرت مسك في الزوحليقه و اتعلق من رقبته بس احنا لحقناه و جرينا بيه بس والموضوع مكملش ثواني وده مش اهمال وفضلت تحلف انها مأهملتش فيه وشافته ع طول سالناها والكيدز اريا فيها كاميرات قالت للاسف لا ..
باباه في وقتها راح عمل محضر اهمال وراح المستشفي قابل الدكتور وعرف انها اصلا محكتش للدكتور اللي حصل لابني هي قالتله نفس اللي قالتهولنا انه فرهد من اللعب انتوا متخلين انها حتي الدكتور مقلتلهوش الحقيقه !!!
تاني يوم اللي هو الجمعه كلمنا الكيدز اريا وعرفنا ان فيها كاميرات عادي و روحنا هناك الحمدلله الناس هناك كانت امينه جدا وورونا الكاميرات وصورنا كمان الفيدييو وصاحب المكان كان متعاون جدا هو وكل الاستف الفيديو قدامكوا اهو
انا ابني اتساب اكتر من 3 دقايق متعلق من رقبته فضل يعافر دقيقه لحد ما غـ،ـاب عن الوعي خـ،ـالص و لمده دقيقتين مغمي عليه ولا حد شايفه رايحين جايين وماحدش بص عليه لولا ستر ربنا ان طفله صغيره هي اللي تشوفه انتوا متخيلين اتشاف بعد قد ايه!! و شايفين المدرسات واقفين بيعملوا ايه يعني مش مركزين مع اطفال تانيه مثلا ف مشافهوش لا هما واقفين بيتكلموا مع بعض وماخدوش بالهم ان في طفل من ضمن الاطفال اللي معاهم غاب عن عينهم لمده 4 دقايق بالتقريب يعني الموضوع محصلش ف ثواني زي ما الاستاذه قالت لا وكمان بعد تأليف موقف غير اللي حصل وانها استغـ،ـلت انه مش هيقدر ييجي يحكي بس لا انا ابني كان بيمـ،ـوت وكان بيعافر لحد ما خلاص مقدرش واستسلم ابني بينام يعـ،ـيط و بيحلم بكوابيس ومش عارف ينام حسبي الله ونعم الوكيل في اي حد مسؤل عن اللي حصل لابني واحنا مش هنسامح في حق ابننا ولا هنسكت غير لما كل الناس تعرف باللي حصل .
